OBRADOIROS PRÁCTICOS DE BUSCA DE EMPREGO 29/03/2011

OBRADOIROS PRÁCTICOS DE BUSCA DE EMPREGO

Entre os días 21 – 24 marzo desenvolvéronse no Centro de Iniciativas Empresariais dous obradoiros prácticos de busca de emprego de 6 horas de duración. Un deles versou sobre procesos de selección de persoal e entrevista de traballo e outro sobre información laboral útil.

No primeiro traballáronse os procesos de selección de persoal, as probas de selección, a entrevista de traballo, con especial énfase nos distintos tipos, fases, recomendacións e consellos prácticos, posibles preguntas e preguntas para realizar ó entrevistador. Tamén se viu un protocolo de chamada telefónica a empresa para buscar traballo realizando simulacións de contestación a anuncio e autocandidatura.

No segundo dos obradoiros víronse contidos relativos ós contratos de traballo, o salario, nómina, o “Estatuto de los Trabajadores”, convenio colectivo e prestacións dependentes do SPEE.

Os destinatarios destes obradoiros foron persoas desempregadas do concello que se encontran actualmente realizando un IPI (itinerario personalizado de inserción) na entidade colaboradora do SPEG (Servizo Público de Emprego de Galicia) do Concello de Camariñas.

As sesións foron impartidas pola orientadora laboral do concello en dous grupos ós que asistiron un total 17 persoas.