PROBAS OBTENCIÓN CERTIFICADOS DE LINGUA GALEGA NIVEIS CELGA 1, 2, 3 e 4 NO ANO 2016 23/08/2016

PROBAS OBTENCIÓN CERTIFICADOS DE LINGUA GALEGA NIVEIS CELGA 1, 2, 3 e 4 NO ANO 2016

A Xunta de Galicia, a través da Consellería de Cultura, Educación e Ordenación Universitaria, publica no DOG (Diario Oficial de Galicia) do 18 de agosto as probas para a obtención dos certificados acreditativos dos niveis de lingua galega Celga 1, 2, 3 e 4.

Destinatarios / as:
-  Persoas maiores de 16 anos ou que os cumpran antes de finais do ano 2016, nacionais ou estranxeiras.

Prazo de inscrición:
- Do 19 de agosto ó 19 de setembro de 2016 (inclusive)

Datas de realización das probas:
- Celga 1: 13 de novembro de 2016
- Celga 2: 06 de novembro de 2016
- Celga 3: 12 de novembro de 2016
- Celga 4: 05 de novembro de 2016

Se o número de aspirantes non permite rematar as probas orais no día sinalado nesta resolución, a Comisión Central de Avaliación determinará o día ou días en que terá lugar a devandita avaliación oral, que serán debidamente anunciados na páxina web www.lingua.gal

As probas desenvolveranse en Santiago de Compostela e en Ponferrada.Os lugares concretos e o horario indicaranse cando se fagan públicas as listaxes definitivas de persoas admitidas para cada proba de nivel Celga.

Contía das taxas de exame: 15,61 €

Lembrámosvos que as certificacións de lingua galega son obrigatorias para presentarse a algúns procesos selectivos da administración autonómica e local como as listaxes de vinculacións temporais da Xunta de Galicia e, noutros casos eximen de presentarse ó exame de galego como nas listas de Seaga, distintas oposicións da Xunta de Galicia, Servizo Galego de Saúde, prazas nas administracións locais. ou poden puntuar en concursos para optar a prazas das distintas administracións públicas.

Recordarvos tamén que para prepara-los exames Celga tedes tres opcións:
- Preparalo pola vosa conta
-  Axudarvos dos materiais que podedes descargar de xeito gratuíto na páxina web da Xunta de Galicia no enlace http://www.lingua.gal/o-galego/aprendelo/celga Aquí atoparedes modelos de exames de convocatorias anteriores así como diversos materiais didácticos escritos, de vídeo e audio.
- Asistir a un dos cursos gratuítos preparatorios organizados pola Xunta de Galicia en colaboración coas Escolas oficiais de idiomas, concellos e distintas entidades e organizacións.

ENLACE Á RESOLUCIÓN DO DOG:
http://www.xunta.gal/dog/Publicados/2016/20160818/AnuncioG0164-110716-0005_gl.pdf

MÁIS INFORMACIÓN:
CONTACTAR COA ORIENTADORA LABORAL
CASA DE PEDRA    981 737004 / 653260746
margarita.seijas@camarinas.net
LUNS A VENRES: 8:00 – 14:00