CURSOS DE BUSCA DE EMPREGO 02/12/2011

CURSOS DE BUSCA DE EMPREGO

O Concello de Camariñas organiza uns cursos de busca de emprego.

O obxectivo destes cursos é orientar ás persoas desempregadas sobre diversos temas útiles á hora de buscar emprego.

O primeiro cursos realizarase o mércores 14 de decembro. O curso chámase Entrevista e selección de persoal. No cursos trataremos os procesos de selección de persoal, tests psicotécnicos, tipos de entrevista, consellos prácticos e a chamada telefónica a empresa.

O seguinte curso realizarase o seguinte mércores que é 21 de decembro. O curso chámase Información laboral útil. Nel falaremos sobre o contrato de traballo, o salario, a nómina, as prestacións e subsidios dependentes do Servizo Público de Emprego e a cobertura sanitaria, tan de moda estos días.

O horario dos cursos será de mañá, de 10:00 a 13:30 e o lugar o Centro de Iniciativas (ó lado da clínica de Camariñas).

Podedes apuntarvos na Axencia de Desenvolvemento Local, no 981 73 70 04 ou no correo mseijas.desenvolvemento@camarinas.net. Existe a posibilidade de anotarse ós cursos de xeito indepentente. E terán prioridade as persoas desempregadas.

Este programa está organizado pola Axencia de Desenvolvemento Local do Concello de Camariñas. Patrocinan Fondo Social Europeo, Consellería de Traballo e Benestar da Xunta de Galicia e Servizo Público de Emprego de Galicia.

SERGIO CAAMAÑO FERNÁNDEZ
Concelleiro de Urbanismo, desenvolvemento empresarial, mar e traballo.
Concello de Camariñas.