ABERTO O PERÍODO DE XUSTIFICACIÓN DE PEL-REACTIVA DE CAMARIÑAS 2021 ATA O 31 DE MARZO ÁS 14:00H 12/02/2021

ABERTO O PERÍODO DE XUSTIFICACIÓN DE PEL-REACTIVA DE CAMARIÑAS 2021 ATA O 31 DE MARZO ÁS 14:00H

****************************************************************************
AXUDAS PEL REACTIVA
****************************************************************************

PUBLICACIÓN DE LISTAXE DEFINITIVA DE AXUDAS CONCEDIDAS: BOP núm. 32, de 18/02/2021
- Enlace: https://bop.dacoruna.gal/bopportal/publicado/2021/02/18/2021_0000001176.pdf

REQUISITOS PARA PERCIBIR A AXUDA:

Seguir de alta ata o 31 de marzo de 2021, por conta propia ou no Réxime Especial de Traballadores Autónomos, ou ter rexistrada a empresa, mantendo a mesma forma xurídica.
Non ter débedas, a 31 de marzo de 2021, coa Seguridade Social, AEAT, a Xunta de Galicia, Deputación da Coruña e o Concello de Camariñas.
Facer publicidade do financiamento polo Concello de Camariñas e a Deputación da Coruña: Deberá colocarse o cartel que se establece nas instalación da empresa beneficiaria da axuda,no caso de ter web ou redes sociais deberá facerse visible nun lugar preferente.
Debe cumprirse as obrigas da Base 14 das Bases de convocatoria PEL REACTIVA CAMARIÑAS 2020

XUSTIFICACIÓN DOS GASTOS:
Prazo ata 31 de marzo de 2021 ás 14:00h na sede electrónica do Concello de Camariñas. A empresa solicitante deberá enviar a xustificación, co nome da empresa, e indicando XUSTIFICACIÓN PEL-REACTIVA CAMARIÑAS

Guía de xustificación: Tes toda a información e aclaracións para facilitar a xustificación das axudas

GASTOS XUSTIFICABLES: Os realizados desde o 1 de marzo ao 31 de decembro de 2020

Material desinfectante e de limpeza, seguros, subministros (auga, luz, electricidade, combustible,... ), mamparas, arrendamentos de locais, vehículos e maquinaria, ...
Contas do plan xeral contable: 601, 621, 622, 625, 628

DOCUMENTACIÓN A PRESENTAR: Toda asinada dixitalmente

Anexo A.1 – Declaración de cumprimento de requisitos e obrigas ·
Anexo A.2 - Conta xustificativa onde quede rexistrado os datos dos documentos que se achegan (facturas e xustificantes de pagamento)
Anexo A.3 - Memoria xustificativa de obras de reparación ou conservación (no caso de xustificar estes gastos)
Anexo A.5 - Declaración de axudas obtidas por outras administracións/entidades
Anexo A.6 - Fotografía da colocación en lugar visible do cartel coa PUBLICIDADE DA AXUDA
Copias de facturas e comprobantes de pagamento asinados
No caso de seren necesario, xuntarase documento aclaratorio do contido das facturas e os conceptos subvencionables
O día 31 de marzo debe subirse á sede o xustificante de manterse de alta en autónomos, ou ter a mesma forma xurídica no caso de microempresas. Tamén os de estar ao corrente de débedas coa Tesourería da Seguridade Social, Axencia Tributaria de España, Deputación da Coruña e Concello de Camariñas e Axencia Tributaria de Galicia, aínda que pode autorizarse a consulta , excepto para a ATRIGA. O día 31 de marzo debe subirse tamén o xustificante da ATRIGA, Axencia Tributaria de Galicia.
NO CASO DE GASTOS DE ALUGUER: Copia do contrato asinado electronicamente.
NO CASO DE GASTOS DE VEHÍCULOS: xustificantes de estar vinculado á actividade subvencionable
NO CASO DE MULTIACTIVIDADE. Documentos que determine a porcentaxe ou peso das actividades subvencionables sobre o total de actividades da empresa.
NO CASO DE SEGUROS. Copia asinada electronicamente da póliza na que apareza dirección de local ou actividade asegurada.