O Concello de Camariñas comeza a elaborar máscaras infantís artesanais 17/04/2020

O Concello de Camariñas comeza a elaborar máscaras infantís artesanais

·        Están dirixidas a nenos e nenas de entre 2 e 14 anos.
·        Para a súa fabricación utilizouse material TNT de triple capa, aumentando a protección.
·        Serán repartidas a domicilio a través de Protección Civil.

Na comisión de seguimento da evolución da COVID-19 en Camariñas celebrada hoxe, xoves 16 de abril, informouse de que o Concello comezou a fabricar máscaras infantís artesanais a través das máis de 50 voluntarias coordinadas polo departamento da Mostra do Encaixe.

Estas máscaras están dirixidas a nenos e nenas do municipio de entre 2 e 14 anos e serán feitas con Tejido No Tejido (TNT) de triple capa, aumentando así a protección con respecto as xa fabricadas para os adultos, que eran de doble capa.

As costureiras están a fabricar diferentes modelos de distintas tallas para poder adaptarse aos rangos de idade anteriormente indicados. Para a súa confección a Floristería Alecrín doou 80 metros de tela TNT e 18.000 alambres. A tela neste caso é de cores para que esteticamente sexan máis vistosas.

Prevese que estas máscaras infantís estean rematadas xa a próxima semana e así poder entregalas en cada fogar aproveitando o reparto de libros e material escolar que fará Protección Civil.

A alcaldesa, Sandra Insua, explicou que esta iniciativa ten un doble obxectivo “por un lado estamos pensando en protexer aos máis pequenos para cando se vaian levantando as medidas do confinamento e poidan saír outra vez ás rúas e, polo outro, queremos que sintan que tamén pensamos neles e na súa saúde xa que seguramente moitos deles estarán vendo aos seus pais ou nais coa máscara posta estes días e non hai ningunha para eles”.

Outros temas da comisión

Na comisión de seguimento da evolución do Coronavirus tamén se trataron outros temas. Ademais do informe habitual das actuacións das forzas de seguridade e tamén das labores de desinfección que están a levar a cabo os operarios municipais, falouse de:

Solicitouse a través da FEGAMP a intervención da UME para a limpeza dos centros de saúde.
A asistente social informou de que polo momento hai 3 solicitudes de familias para que se lles faga entrega de alimentos, que están a ser xestionadas por Protección Civil e Cruz Vermella.
A Xunta de Galicia entregou 350 máscaras cirúrxicas, 400 luvas de nitrilo, 5 botes de 500 ml. de xel hidroalcohólico, 8 litros de lixivia e 8 traxes antisalpicaduras.
A Deputación informou que vai enviar un primeiro reparto ao Concello de 786 máscaras cirúrxicas.
O Concello fixo un pedido para mercar 100 mascarillas FFP2.
Comezouse a estudar a instalación de paneis para os postos de traballo pensando no posible regreso do persoal de oficina.