Camariñas aproba unha modificación puntual do PXOM para resolver erros e aclarar determinadas situacións 23/05/2019

Camariñas aproba unha modificación puntual do PXOM para resolver erros e aclarar determinadas situacións

· Agora remitirase ao órgano autonómico competente para a súa aprobación definitiva.

O pleno do Concello de Camariñas aprobou onte, 21 de maio, en sesión extraordinaria, a modificación puntual nº1 do Plan Xeral de Ordenación Municipal vixente no municipio. O obxectivo desta modificación era resolver algúns erros detectados, actualizar puntos para adaptalos á normativa vixente e aclarar determinadas situacións.

Así, a modificación puntual contempla:

Regular con maior flexibilidade o parámetro de fondo mínimo de parcela.
Permitir o uso residencial de categoría 1º en actuacións sobre edificios existentes e novas licencias.
Resolver o erro detectado ao respecto da unidade de medida da pendente de cuberta dos NNRR de 40% a 40º.
Adaptar as condicións dos peches en solo rústico.
Aclarar mellor a independencia do espazo baixo cuberta ao respecto da planta inferior.
Resolver erros detectados no cadro de compatibilidades de uso industrial ao respecto dos niveis de ruído admisibles.
Resolver erros detectados no cadro resumo de usos.
Actualizar a normativa sectorial de referencia en materia de costas á vixente.