O Concello

Departamentos

* O Concello comeza o arranxo da pista de Reira no tramo desde Camariñas ata o Cemiterio dos Ingleses 10/04/2019

O Concello comeza o arranxo da pista de Reira no tramo desde Camariñas ata o Cemiterio dos Ingleses

·Estes traballos estarán listos antes do comezo da festividade da Semana Santa.
·A Xunta encargarase posteriormente dos traballos ata Santa Mariña, que estarán rematados antes do verán.  

O Concello de Camariñas comezou esta semana as obras para arranxar a pista de Reira. Os traballos, levados a cabos con fondos municipais, permitirán que o tramo da pista desde Camariñas ata o Cemiterio dos Ingleses quede listo antes da festividade da Semana Santa.  

No seu momento a alcaldesa de Camariñas, Sandra Insua, chegou a un acordo coa Dirección Xeral de Patrimonio Natural da Xunta de Galicia para levar a cabo esta actuación conxuntamente. Así, a Xunta debe acometer posteriormente o arranxo da pista de Reira desde o cemiterio dos Ingleses ata Santa Mariña, que está previsto que se remate antes do comezo do verán.   

Sandra Insua amosou a súa “satisfacción por chegar ambas administracións a un entendemento” e poder así comezar a solucionar unha problemática que estaba a afectar tanto aos veciños e veciños da zona como aos moitos visitantes que fan uso da pista de Reira.


© by Abertal