ENTROIDO CAMARIÑAS 2018 23/01/2018

ENTROIDO CAMARIÑAS 2018

O concello de Camariñas vístese de gala para presentar o concurso de comparsas 2018.

O martes 13 combateremos a mala sorte co humor do coñecido cómico Pedro Brandariz . O coñecido actor-clown- cabareteiro presentará e conducirá co seu enxeño natural o concurso de comparsas . O evento realizarase no pavillón municipal ás 18:00h, as comparsas farán previamente un desfile pola rúas que sairá da praza do Concello ás 17:00h. Premios seguros de ata 200€ só por participar e ademais 500 para a agrupación máis valorada e 300€ para o segundo posto. A diversión está garantizada.

Días antes teremos festas nas parroquias.

O sábado 10 de febreiro teremos un circuito de inchables, chocolate e orellas. Será ás 17:00 no Pavillón Municipal da Ponte do Porto.

O domingo 11 teremos a festa de entroido en Xaviña. Será ás 17:00 e baixo unha gran carpa na Praza da Igrexa teremos un animado concurso, música e risas. Tamén haberá chocolate e orellas, por suposto.

O luns 12 será o turno de Camelle. No Museo do Alemán e ás 17:00 faremos unha festa de inchables. Que falta? Ah, si, chocolate e orellas.

E para rematar o sábado 17 será o enterro da sardiña. A sardiña a día de hoxe está a bo recaudo na casa duns veciños e veciñas voluntariosas da ANPA de Camariñas que a están preparando xa para o sepelio, pero informáronos que está moi maliña. O velatorio será ás 17:00 na Casa de Pedra onde de seguro contaremos cas ben coñecidas “choronas”. Sairemos media hora despois para facer un percorrido ata a Praza do Mercado co acompañamento musical da charanga BB+. Alí e ás 18:00 será a incineración da sardiña e endulzaremos a pena cunha gran chocolatada. Se chove, que non sería raro pois van dous anos seguidos, todo será na Casa de Pedra.

Descargas relacionadas

Descargar bases