TÉCNICAS DE ESTUDO NOS COLEXIOS DO NOSO CONCELLO 30/01/2014

TÉCNICAS DE ESTUDO NOS COLEXIOS DO NOSO CONCELLO

Continuando co noso propósito de mellorar as cousas, dende servizos sociais do Concello de Camariñas, ofertamos obradoiros de técnicas de estudo nos colexios do noso concello.

A educadora familiar do Concello, Ali Trillo, está a traballar actualmente no CEIP “O Allo “ de Ponte do Porto, co fin de acadar os mellores resultados cara ao mes de xuño.

Os de quinto están traballando técnicas para mellorar a velocidade e a comprensión lectora, rematarán o dia 11 de febreiro.

No caso dos maiores, que xa están en sexto de primaria, traballaron técnicas para facer un bo subliñado, esquemas e resumo. Estes remataroun o día 27 de xaneiro e recibiron un diploma polo traballo e o esforzo empregado.

Estes obradoiros xa tiveron lugar no CEIP “O Areal”, durante os meses de outubro e novembro do pasado ano, recén estreado o curso.

O Concello de Camariñas quere agradecer a colaboración do persoal dos centros educativos e por suposto do alumnado.

Mª del Carmen Linares Chica
Concelleira de Servizos Sociais, Igualdade, Saúde e Deportes
Concello de Camariñas