Instalación do Punto de Información do SPEG (Servizo Público de Emprego de Galicia) 01/10/2009

Xa temos instalado o Punto de Información do SPE de Galicia no concello, concretamente na Casa de Pedra.

O P.I. é un ordenador que che permite renovar a tarxeta de demanda ou mellora de emprego sen ter que acudir á Oficina de Emprego. Ó estar instalado na Casa de Pedra podes cuñar o día que che marca a túa tarxeta no horario de apertura desta oficina municipal, e dicir, de luns a venres de 8 da mañá a 3 da tarde en horario de inverno e de 8 da mañá a 2 da tarde en horario de verán.

Lembra que para poder beneficiarte deste servizo tes que acudir con anterioridade á túa oficina de emprego para que che rexistren a impresión dixital.

Co Punto de Información ademais de renovar a túa tarxeta podes consultar as ofertas de traballo do SPE de Galicia, acceder ó portal de emprego e á páxina web da Xunta de Galicia e a outras páxinas relacionadas coa busca de emprego.

O mellor de todo é que se trata dun servizo totalmente gratuito

Se tes algunha dúbida contacta coa orientadora laboral por teléfono ou e - mail.

Entidade Colaboradora do SPE de Galicia no Concello de Camariñas, o teu servizo ó teu servizo.

Descargas relacionadas

INSTALACION PUNTO DE INFORMACION